抽組織檢查通常泛指抽幼針／粗針，少部份情況下，可能要動用到手術去達到確診目的。
「點解唔直接做手術，要抽組織先？」
係公立醫院，99.99%情況下都一定要有組織報告先會同你做手術，因為有好嘅術前診斷，醫生先可以幫你諗割幾多／洗唔洗做格勒底淋巴手術／術前洗唔洗化療。你可以睇成醫管局怕你告佢做錯手術，但另一方面，亦都保障咗你唔會做錯手術，做錯咗點賠返個乳房比你。
幼針（Fine Needle Aspiration）
顧名思義即係支針好幼（約1mm，用平時抽血啲針），因為支針幼，所以係冇局部麻醉藥嘅，因此會少少痛。外科醫生就係透過幼針來來回回吸啜乳房細胞，再由病理科醫生喺顯微鏡底下作出判斷。
粗針（Core Needle Biopsy）
顧名思義即係支針粗啲（約2mm），因為支針粗啲，所以係會比局部麻醉藥嘅。打麻醉藥時少少痛，之後唔痛。粗針既好處就係可以攞多啲組織，等病理科醫生易啲判斷，因此可以分辨出癌細胞有冇侵蝕性，同埋癌細胞對口服藥／標靶藥夾唔夾。
#香港婦檢 #hkwwc #女醫生 #抽取乳房組織
BACK
About Us
